〔係愛呀！雞肋褲！〕
屋企總有幾條雞肋褲，唔再著又唔捨得掉，吃之無味棄之可惜，其實可以改造成小布袋，廷續佢條命仔㗎～
圖中呢個小袋，原本係一條就嚟畀人送去堆田嘅布辦 ，孔家大哥卓翹，路過見到佢同其他布BB喺垃圾桶隔離，秉承呢一家謎之"傳統"不忍有用嘅嘢畀人當垃圾，就救咗返屋企，一擺就擺咗成年，直至有一日我屎忽痕，叫孔媽媽咁樣咁樣咁樣改造畀我用，第一個孔媽媽褲管袋就係咁樣樣誔生！又某日，我無啦啦話不如去玩市集囉，孔媽媽就將全部褲管布辦改造晒做小袋 ，兩日市集全部賣出，十分多謝領養(笑)佢哋嘅朋友哦。
（如果你都想改造雞助牛仔褲，歡迎INBOX我哋哦😊）